കവിത: മുഖപുസ്തകം

മുഖപുസ്തകം

മിന്നുന്ന പച്ചവെളിച്ചത്തിൽ

മിന്നിമറയും മുഖങ്ങളിൾ 

മിണ്ടുന്ന മിത്രങ്ങളും

മിണ്ടാത്ത മുഖങ്ങളും

മുഖാമുഖമായി പറയേണ്ടത്

മുഖപുസ്തക ചുവരിൽ

മുഖവരെയോടു കുറിച്ചു

മുഖം മിനുക്കും ചങ്ങാതിമാർ

മുഖപുസ്തക സ്നേഹിതർ മറന്നാലും

മാറ്റമില്ല ജീവപുസ്തകത്തിൽ പേരെഴുതും

മഹിതല നാഥന്റെ സ്നേഹമുള്ള –

മുഖം അന്വേഷിക്കു മർത്യരെ

മുഖമൂടികൾ ഓരോന്നഴിഞ്ഞിടും

മുഖസ്തുതികളെല്ലാം ഒഴിഞ്ഞിടും 

മൂലപദാർഥം വെന്തുരുകും  

മുഖപക്ഷമില്ല വിധിപ്പാൻ വന്നിടും   

– ബിനു വടക്കുംചേരി